بەغداد.. دەسگردن وەبان هۆلیگ رۆلیت و دەسگیرکردن 111 کەس لە یەک شەو

سەرچەوەگە وە ئاژانس شەفەق نیوز وت، لەدویای رەسین زانیایری هویردیگ لەباوەت ئامادەکاریکدن ئەرا وازکردن هۆلیگ رۆلیت لەناو هۆتێلیگ، وە پشت بەسین وە ئەو زانیاریە، تیمیگ کارکردن دروسکریا لە بەش پۆلیس و فریاکەفتن کەرادە، وە هاوکاری وەرد دەزگا ئەمنیەیل ترەک ئەرا رویوەروی بوینیان.

وتیش، لە ئەنجام ئۆپراسیۆنەگە چوار کەس دەسگیرکریا و دەسگیریا وەبان ئامێریگ تایوەت وە بازی قومار، دیاریکرد دەسگیرکریاگەسل و کەرەستەیل دەسوەبان گیریاگ رادەس لایەنە پەیوەنیدارەل کریا وەشیوەی رێکار یاسایی.

سەرچەوە ئتمنیەگە راگەیان هەر لە بەغداد، لەئەنجام ئەرکەیل ئەمنی بەش پۆلیسلای کەرخ، 52 فەرمان دەسگیرکردن جیوەجی کرد.

سەرچەوەگە وەیجویرە ئامار فەرمان دەسگیرکردنەگە جیاوەکرد "لە بەش تارمیە 3 کەس، لە تاجی 4 کەس، سەبع ئەلبور   5 کەس، کازمیە 6 کەس، دوو کەس لە ناوچەی خەزرا الخضراء، ئەبوغرێب  3 کەس،  نەس و سەلام یەک کەس، مەنسور 8 کەس، سالحیە 3 کەس، دوو کەس لە شوعلە ، بەیاع 3 کەس، دەورە 8 کەس، دوو کەس لە مەحمودیە، یوسفیە 4 کەس".

دیاریکرد گشت دەسگیرکریاگەیل رادەس لایەنە پەیوەنیدارەیل کریان ئەرا تەواوکردن رێکارەیل یاسایی پێویست.

هەر لە پایتەخت، فەرماندەیی پۆلیس بەغداد/ کەرخ 5 توومەتبار دەسگیرکرد وەپای مادەی یاسایی جوراوجور.