بەغدا و بەسرە.. کوشیان ئەندامیگ حەشد دویای وەردەوەردەیگ و کابرایگ برای خوەی وە چەقوو کوشێد
سەرچەوەگە ئەرا ئاژانس شەفەق نیوز وت: وەردەوەردەیگ دەوانچەکیشان بویە هوکار کوشیان ئەندامیگ حەشد شەعبی، دیاری کرد کە هیزیگ ئەمنی رەسیە شوین رویداوەگە و دوو تاوانبار دەسگیر کرد، کە ئەندامن لە وەزارەت وەرگری.
لە رویداویگ ترەک، ئەندامیگ پاسەوانی دامەزراوەیل لە دەسدرویژی وەلایەن خاوەن بیماریگ لەناو خەسەخانەی شەهید سەدر لە شار سەدر زەخمدار بوی.
سەرچەوەگە وتیش: دوو کەس لەبان ئەو کارە دەسگیر کریان.
لە رویداویگ سێیەم، خود سەرچەوەگە وت: تەرم کابرایگ پاکستانی لەناو باخیگ لە ناحیەی یوسفیە پەیا کریا.
سەرچەوەگە دیاری کرد کە ئەو کابرا پاسەوان باخەگە بویە، و هویچ شوین پەلاماریگ وەقەی لاشەی نەویە، و خاوەن باخەگە ئەرا لێکۆڵینەوە هاوریا.
لە بەسرە، جەنجبگ لەناو تەمەن سێ ساڵەر وە چەقوو براگەی کوشیا، ئەوەیش لە ناوچەی دور شورتە ناوڕاس ناوەند پارێزگاگە.
سەرچەوەگە ئەرا ئاژانس شەفەق نیوز وت: هیزیگ پولیس رەسیە شوین رویداوەگە ئەرا لێکۆڵینەوە، وەبی باسکردنیگ زیاتر.
