بەشداری کردنە لە گەورەترین دزی لە دیالە.. توومەتبارەیل نوو وە تاوان تاڵانکردن ملیارەها دۆلار دەسگیر کریان “وینە و ڤیدیۆ”
یەکیگ لە سەرچەوەیل ئەرا ئاژانس شەفەق نیوز وت: "هیزە ئەمنییەیل توومەتبار دویەم دەسگیرەکردن وە دزین نزیکەی نۆ ملیار دینار عراقی کە ئەرا قەرەبووکردن ئەو کەسەیلە زیان لەلیان کەفتگە لەوەر ئۆپەراسیۆنە تیرۆریستییەیل لە پارێزگای دیالە دیاری کریاس".
سەرچەوەگە وتیش: "ئەو کەسە کە دەسگیرکریاس ژنیگە وەناو (ز)، کە دویەم توومەتبارە لەو دۆسیە، کە لەدویای رویداوە گەورەگەی دزیکردنەگە دەسگیر کریاس".
بیجگە لەوەیش، سەرچەوەی دویەم ئاژانسەگە ئاگادار کرد کە “فەوج سێی لیوای پەنج، بەش وەڵامدانەوەی زویوەزوی وەزارەت ناوخۆ، چوار توومەتبار لە دیالە دەسگیرکرد، وە هاوکاری و هەماهەنگی وەرد دەسەی دەسپاکی (فەرمانگەی لێکۆڵینەوەی دیالە) و بەش هەواڵگری فیرقە.”
ئەو سەرچەوە ئاشکرا کرد کە “توومەتبارەیل وە هەڵگردن دەفتەر چێک، چێکیگ کە ئەرا بڕە پویل فرەیگ دەرچگە، گەنجینەی کانزا، سندوق کە بڕە پویل ناوخۆیی و بیانی لەناوی بویە، بەڵگەنامەی مووچە، توومار خەرجییەیل، بڕیگ زەڕەنگەری تەڵا و توومار ئەو فەرمانگەیلە کە هانە ناویان، دەسگیر کریان و دریانە دەس لایەن داواکار.
دویەکە جمعە، هیزە ئەمنییەیل عراق یەکیگ لەو کەسەیلە دەسگیر کردن کە دەسیان هاناو "دزین سەدە"ی نوو وە هەڵگردن هەفت گەنجینەی پویل و پارچەیل ئاسەواری، و وەرپرسەیل ناوخۆ مەزەنە کردن کە ئەو بڕە پویلە دزیاگە 30 ملیار دینارە.
وەگورەی سەرچەوەیگ نزیک لە حکومەت دیالە، دەسەی لێکۆڵینەوەی تایبەت وە ئاڕاستەی پارێزگاری دیالە دەس وە کارەیلی کردگە ئەرا ئەو بڕە پویلە کە پەیا کریاس، کە تا ئیسە بڕەگەی وە فەرمی دیاری نەکریاس.
لە تشرین یەکەم ساڵ 2022، ئەرا یەکەمجار دۆسیەی "دزی سەدە" ئاشکرا بوی، کە وەرپرسەیل باڵای وەرین و بازرگانەیلیگ لەناوی بەشداربوین و ناڕەزایی تونیگ لە عراق لەپشت خوەی هاورد، کە لە ساڵەیل گوزەشتە جی ناڕەزایی بفراوان بویە و داوای کۆتاییهاوردن وە گەندەڵی کەن.
"دزی سەدە" بویە قسەی جادەی عراقی و بازنەی سیاسی و ئەوانەی ترەک تا دەنگدانەوەگەی لە دەیشت عراق بڵاو بوی و میدیایل عەرەبی و خوەرئاوا رووماڵی کردن.
"دزین سەدە" وە دیارنەمان بڕ 3.7 ترلیۆن دینار عراقی (نزیکەی دوو و نیم ملیار دۆلار) لە پویل دانان باج نیشان دریەێد و ئەوەیش لەلایەن چەن لایەنیگ پەیوەندیدارەو ئاشکرا کریا نزیکەی دوو مانگ وەرجە کۆتایی هات خول حکومەت وەرین وە سەرۆکایەتی مستەفا کازمی.
