بەسرە یەکمین تویشهاتن وە تەو خوینوەربوین توومار کەێد

شەفەق نيوز/ وەڕیەوبەرایەتی خەسەخانەی ڤێتێرنەری لە بەسرە، ئمڕوو یەکشەممە، توومارکردن یەکەمین تویشهاتن وە تەو خوینوەربوین لە ناوەند پارێزگاگە راگەیان، و دووپات لە خەسەوکردن تەقەلایل کرد ئەرا ئاشکراکردن وەرجەوەختەی بیماریەگە، و جیوەجیکردن ریکارەیل مقیەتبوین.

ریاز ئەحمەد وەڕیەوبەر خەسەخانەگە ئەرا ئاژانس شەفەق نیوز وت: هەڵمەتە خەسەیل و وەرجەوەختەیل وەلایەن تیمەیل خەسەخانەگە، کە لە 6 نيسان 2025 دەسوەپی کرد، ئاشکرای توومارکردن یەک تویشهاتن لە ناوەند پارێزگاگە کردن، و ریکارەیل پزشنی ئەرا وەشوینکەفتن و کۆنترۆڵکردنی جیوەجی کریان.

 وتیش: هەڵمەتەگە وەلایەن ٢٤ تیم لە خەسەخانەی ڤێتێرنەری وەردەوامە، کە تاقی ئاژەڵەیل کەن.

دیاری کرد کە ریکارەیل مقیەتیبوین ئەوە گرێدەو کە ئاژەڵەیل خریەنە ناو دەرمانەیل دژوە مەلوموور، و دووپات کرد کە رەوشەگە هاژیر کۆنتڕوڵ و وەشیوەیگ سروشتی وەڕیەو چوود لە پارێزگای بەسرە.