بەرزەوبوین کەمیگ نرخ دۆلار لە بەغداد و داوەزیانی لە هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت بەرزەوبوی   و لە هەولێر  داوەزیا.    

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147800 دینار عراقی وەرانوەر 100 دۆلار ئەمریکی.  رووژ چوارشەممە، نرخ دۆلار رەسیە 147750 دینار عراقی وەرانوەر 100 دۆلار ئەمریکی.    

پەیامنێرمان وتیش؛ نرخ فرووشتن و سەنین لە دوکانەیل بەغداد  رەسیە 148750 دینار عراقی وەرانوەر 100 دۆلار ئەمریکی، و نرخ سەنینی رەسیە 146750 دینار.     

لەهەولێر پایتەخت  هەرێم کوردستانیش نرخ دۆلار داوەزیان وەخوەیدی، کە نرخ فروشتن رەسیە 147800 عراقی وەراوەر 100 دۆڵار ئەمریکی، و نرخ سەنینی 147700 عراقی وەرانوەر 100 دۆلار ئەمریکی.