بیانی هالە ناویان... پۆلیس دیالە لەماوەی 48 ساعەت 87 کەس داواکریاگ دەسگیرکرد

فەرماندەییەگە لە بەیاننامەیگ رەسیە ئاژانس شەفەق نیوز وت، مەفرەزە و دەوریەیل لەبەش پولیس بەعقوبە و خاڵس و موقدادیە و قەرەتەپە و جەلەولا و مەنسوريە و ئەبو سەێدا و خانەقین و هبهب و عزەێم و سەلام  و بەش دژە تاوانەیل و فەوج فریاگوزاری نۆیەم دیالە، توەنستن 75 داواکریاگ دەسگیربکەن، وەگورەی مادتیل یاسایی جیاواز لە وەخت دوو روژ گوزەشتە.

دیاریکرد ريکارەیل یاسایی لە وەرانوەریان گیریایە  و  رادەس یاسا کریانە تا سزای خوەیان وەربگرن .

فەرماندەیەگە باس لەوەيشکرد، 12 کەس دەسگیرکردنە ک سەرپیچی یاساگان نیشتەجیبوین کردنە.

 ئاشکەرایکرد،مەفرەزەیل ئەمنی لە دەزگای هەواڵگێری و وەڕێەوبەرایەتی بازگەیل و ریەیل دەرەکی سەر وە پۆلیس دیالە،لە بازگەی غالبیە و لەسەر بناغەی زانیاریەیل هەواڵگێری هویردیگ، توەنستنە 12 کەس دەسگیربکەن ک ناسنامەی بیانی داشتنە و سەرپیچی یاسایەیل نیشتەجیبوین و هاتنەناو کردنە.