ئامار فەرمی.. هشکەوکردن و پڕەوکردن زیاتر لە ٣٠٠٠ دەریاچەی ماسی لە عراق
2023-08-03T08:38:02+00:00
شەفەق نیوز/ وەزارەت سامانەیل ئاو، ئمڕوو پەنجشەممە، هشکەوکردن و پڕەوکردن زیاتر لە ٢٩٦٥ گوڵەم ماسی لە زیایچگەیل لە گشت ناوچە و شارەیل وڵاتەگە راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: وە پشتگیریکردن وەردەوام وەلایەن سەرۆک ئەنجومەن وەزیرەیل وەشوینکەفتن وەلایەن وەزیر سامانەیل ئاو، کادرەیل وەزارەتەگە وەردەوامن لە هەڵمەت لاوردن دەریاچەیل ماسی لەوانەگ وەزیایچگن دروس کریانە، لە گشت کەرتەیل وەرپرسایەتی ئەرا مقیەتیکردن سامان ئاو و بەشەوکردن وە یەکسانی.
بەیاننامەگە دیاری کرد ک کارەگە لاوردن ٢٢١٢ گوڵەم لە کنار چەم دیجلە، و ٧٥٣ دەریاچە لە کنار چەم فورات بوی، ک یەکەم جامی هشکەوکردنیان و پڕەوکردن شانەیلیان، و بڕین سەرچەوەی ئاو و کارەبا لەلیان، تا جاریگتر پڕی نەکەن.
بەیاننامەگە وتیش؛ هەڵەمەتەیل لاوردن وە هاوکاری کادرەیل وەزارەتەگە وەگەرد وەزارەت کشتوکاڵی و کارەبا لە پارێزگایل وەڕیەو چوود، وە پاڵپشتیکردن هیزەیل ئەمنی.
