ئازادکردن دویەتیگ رفیاگ لەناوڕاس بەغداد و دەسگیرکردن ژنیگ یە هەفتەیگە رفانیەسەی
2024-08-05T05:59:27+00:00
شەفەق نیوز/ سەرچەوەیگ ئەمنی، ئەمروو دووشەممە، خەوەردا کە هیزیگ ئەمنی هاوبەش توەنست دویەتیگ رفیاگ ئازاد بکەێد، و ژنیگ دەسگیر بکەێد کە گومان لەبانی هەس، دویای هەفتەیگ لە رفیانی لە ناوچەی سەعدون ناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: هیزیگ ئەمنی هاوبەش لە پولیس و دژە تاوان دۆڕە، وەگەرد پولیس سەعدون، توەنستن دویەتیگ ئازاد بکەن کە لە گەڕەک بەتاوین ناوچەی سەعدون رفیایەگە، لەناو باڵەخانەیگ نیشتەجییوین بویە.
سەرچەوەگە دیاری کرد کە رەسینە شوین رویداوەگە، و توەنستن دویەتیگ لەتەمەن ١٦ ساڵان ئازاد بکەن، کە وتیە لە رووژ ٢٤ تەمووز ٢٠٢٤ رفیاگە.
لە ئەنجام ئەوە ژتیگ لەداڵگبوی ساڵ ١٩٧١ دەسگیر کریا کە دەسی لەناو کار رفیانەگە بویە، و دریا دەس لایەنەیل پەیوەندیدار.
