کارەبا فەرمان دەێد زویوەزوی وزەی خوەر ئەرا خانەقین بکریەێد
شاندیگ هونەری لە ووتارەگە وەگەرد نوینەر کۆمپانیای چینی و نوێنەرەیل حکومەت قەزاگە سەردان ئەو شوینە کردن کە ئەرا وزەی خوەر لە قەزای خانەقین دیاری کریاس.
وەزارەت کارەبا لە بەیاننامەیگ وت: ئەو ویستگەی کارەبا کە تەکبیرە جیوەجی بکریەێد توانای بەرهەمکردن ١٢٠ مگاوات دیرێد، کە گامیگ گەورەس ئەرا ئەوە کە شارەگە بوودە خاوەن کارەبای خوەی، و کەمتر پشت وەو سەرچەوەیل وزە بوەسێد.
نوینەر کۆمپانیای چینی هاوکاری خوەی وەشیوەی گەورەیگ وەرد شاند وەزارەت کارەبا نشان دا، ئەرا مسۆگەرکردن جیوەجیکردن بەرزترین پەیمانەیل کوالێتی، و بەشداریکردن نوێنەرەیل حکومەت قەزاگە دەسمیەتی دا ئەرا ئاسانکاری ریکارەیل و پیشکەشکردن پاڵپشتی ئەراک جیوەجیکردن ئی پڕۆژەی ستراتیژیە.
ئەو شوینە کە ئەرا وزەی خوەر دیاری کریاس کەفێدە ناوچەیگ ستراتیژی لە قەزای خانەقین، کۆتایی ناوچەی سیروان، و ڕووبەر ١٠٠٠ دۆنم.
بەیاننامەگە وتیش: جیوەجیکردن و گریەداین ویستگەگە وەرد سیستەم کارەبای نیشتمانی دەسمیەتی لە دابینکردن کارەبای ئارامیگ ئەرا ناوچەگە، و توانای ژیرخانی وزەی خانەقین قایمەو کەێد، و هەمیش دەسمیەتی دەێد ئەرا ئامانجەیل حکومەت ئەرا وەکارهاوردن وزەی نووەوبوی.
