کارەبای عراق "گەرمترین شوین لە عراق" مزگانی ٥٠٠ میگاوات لە کۆتایی ساڵ دەێد
ئەحمەد موسا قسەکەر فەرمی وەزارەت کارەبا ئەرا ئاژانس شەفەق نیوز وت: کڕ عراقی - خەلیجی لەڕی کوێتەو لە کۆتایی ساڵ تەواو بوود، و ٥٠٠ میگاوات دەێدە بەسرە.
وتیش: دویای ئەوە گام دویەم و سێیەم تیەێد، و فەرمانەیل حکومەت زوور لەبان هەمەڕەنگی سەرچەوەیل وزە و دابینکردن بوودجەی ئاماکەکردن سیستەم نیشتمانی.
موسا وتیش: گریەبەسی راویژکاری هونەری وەرد سعودیە واژوو کریا، مە یەکەم گامەگەی ١٠٠ میگاواتە، وتیش: ری کڕەیل و خاڵەیل بەسانن دیاری مێیان و ئیمە لە دروسکردن ئی بەسیانە وەردەوامیمن.
جی باسە کە پارێزگای بەسرە یەکیگ لە گەرمترین ناوچەیل عراق و وەدرویژایی ساڵەیل گوزەشتە لەناو گەرمترین ناوچەیل جەهان توومار کریا، و لە خود ، دانیشتگەیلی زیان لە بەدی وزەی کارەبا وەخوەیان دوینن وەگەرد رەسین زوان شوورایی نمەک لە ئاو خەلیجەو، کە کەمئ لە ئاو نووشین وەگەرد وەرز تاوسان دروس کەێد.
