کابرایگ لە بابل کوشتاریگ وە خیزانەگەی کەێد و خوەییش کوشێد
2023-05-07T14:57:13+00:00
شەفەق نیوز/ فەرماندەیی پولیس بابل، ئمڕوو یەکشەممە، جیوەجیکردن کوشتاریگ وەلایەن کابرایگ وە خیزانەگەی راگەیان، وەرجە خوەیکوشتنی لە یەمبگ لە ناوچەیل پارێزگاگە.
فەرماندەیی پولیس بابل لە بەیانامەی کوڵبڕیگ رەسیە ئاژانس شەفەق نیوز وت: ریکارەیل یاسایی لە رویداویگ جیوەجی کەێد، ک کابرایگ خوەی کوشتیە، دویای ئەوە ک ژنەگەی و کوڕەگەی و دویەتەگەی لەناوڕاس شار حلە کوشتیە.
فەرماندەیی پولیس وتیش: لێکۆڵینەوە لدولای ن بەش دژەتاوان ئەرا رەسین وە بندروس رویداوەگە هیمان وەردەوامە.
لەلای خوەییش، سەرچەوەیگ ئەمنی ئەرا ئاژانس شەفەق نیوز وت: رویداوەگە لە گەڕەک جەزائیر لە شار حلە بویە، و دیاری کرد ک زانیاری سەرتایی لە قسەی هاوسایل وتنە: پیاوەگە دویای مردن دویەتەگەی زیان دەروینی داشتگە.
