کابرایگ لە بەسرە وە بومب دەسی خوەی کوشێد
2024-09-02T12:15:15+00:00
شەفەق نیوز/ سەرچەوەیگ ئەمنی لە بەسرە، ئمڕوو دووشەممە، خەوەردا کە پیاییگ وە بومبیگ دەسی لەناو ماڵەگەی باشوور ناوەند پارێزگاگە خوەی کوشت.
سەرچەوەگە ئەرا ئاژانس شەفەق نیوز وت: پیاوەگە لەناو تەمەن پەنجا ساڵە فەرمانبەرە لە کۆمپانیای نەفت بەسرە سەروە وەزارەت نەفت، بومبیگ دەسی لەناو ماڵەگەی لە قەزای سەت عەرەب باشوور شار بەسرە تەقانە خوەیەو و خوەی کوشت.
سەرچەوەگە وتیش: هۆکارەیل خوەیکوشتنی وەگورەی قسەی کەسوکاریلی ئەوە بویە کە زیان دەروینی داشتیە، و داوای سکاڵا لەبان کەسیگ نەکردن، وتیش: یە یەکەمین جارە کەسیگ وە بومب دەسی لەی ساڵە خوەی بکوشێد.
