کابرایگ داعشی ماڵ دۊتیگ رمنێد چۊنکە شۊ وەپی نەکردگە

شەفەق نیوز/ سیمایل تاوان و تیرۆر، لە پەلامارەیل چەتەیل چەکدار، یا کوشیان ناکاوی، ئیجا  کەفتنە ناو کۆمەڵگا،.ک لەیەکیگ لەناوچەیل بەغداد،  تاوان دڵتەزنیگ رۊدا، و لەبان ماڵپەڕەیل سۆشیال میدیا بڵاو بۊ، هەنای گەنجیگ ماڵ میمگ خوەی تەقانەو، چۊنکە رازی نەۊنە دۊتیان شۊ وەپی بکەێد.   

ئی کابرا، ئەرا چەن جاریگ چیەسە خوازمەنی دۊت میمگ خوەی، باوجی رازی نەۊیە، چۊنکە خوەی هۊچ بڕوانامەیگ خوەنەواری نەیرێد، و دۊتەگە خاوەن ماستەرە. 

و هەنای توومەتبارەگە لەوەردەم دادگا قسە کردیە، وت: ئەو بومبە تەقانە ماڵ میمگی چۊنکە رازی نەۊیە دۊتیان بخوازێد، و بومبەگە داناسە ناو  ژوور خەفت کوڕ میمگی، و ئەرا ئی رووژەگە لە دۊرەو وە مۆبایل تەقانیەسەی، تا بچوودە خۊنی کوڕ میمگی.