پەیاکردن تەرم دوو کشاورز داعش سەریان بڕیە و سێیەمیش وە تەقینەوەیگ لە سەڵاحەدین
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو شەممە، خەوەردا لە سێ قوربانی لە کشاورزەیل و زەخمداربوین چوارەمیان لە دوو رووداو لە دەورگرد قەزای شەرقات لە باکوور پارێزگاگە.
سەرچەوەگە ئەرا ئاژانس شەفەق نیوز وت: کشاورزیگ وە تەقینەوەی مینیگ لەبان گاوەسنەگەی لەوەخت جفتکردن زەویەگەی لە خوەرئاوای شەرقات تەقیەو.
خود سەرچەوەگە دووپاتکرد لە پەیاکردن تەرم دوو کشاورز لەلایەن داعش سەریان بڕیاگە، لە یەکیگ لە ئاوایەیل خوەرائاوای شەرقات، دویای رفاننیان لە وەختیگ گوزەیشتە لەلایەن ریخریایەگە.
سەرچەوەگە وتیش؛ ئەندامەیل داعش چگنە ناو ماڵ کشاورزەیل و زەخمدار سێیەمیان لە خود ئاوایەگە کردن.
لە خود چینەگە، سەرچەوەیگ خۆجێیی لە قەزای دۆر لە باشوور خوەرهەڵات سەڵاحەدین وت: ئەندامەیل داعش دوو کشاورز لە دویای یەک هەفتە لە رفاننیان لە ناوچەی عەیس مەرەقەزکردن، وەبی باسکردن لە ووردەکاریەیلیگ تر.
