پەیاکردن تەرم 3 داعش لەئەنجام پەلاماریگ ئاسمانی لە کەرکوک
2023-05-05T11:19:08+00:00
شەفەق نیوز/ سەرۆکایەتی ئۆپراسیۆنەیل هاوبەش، ئمڕوو جومعە، خەوەردا لە کوشیان سێ ئەندام لە ریخریاگ داعش وە پەلامایگ ئاسمانی وەلایەن فرۆکەیل جەنگی عراقی ک دویەشەو لە کەرکوک ئەنجام دریاگە.
وەپای بەیاننامەیگ ئۆپراسیۆنەگە راگەیانیە، فرۆکەیل F16 عراقی دویەشەو شانەیل تیرۆرستەیل لە دووڵ چای گردنەسە ئامانج.
لە بەیاننامەگە دیاریکرد، لە ئەنجام گورزەیل کومەڵیگ تیرۆرست کوشیاگە و شمارەیگ دیوەخانەیلیان ویرانکردن لە دووڵ چای، هێزەیل هاوبەش لە بەش ئۆپراسیۆن کەرکوک تەرم سێ تیرۆرست پەیاکردن لە مابەینیشیان کەسیگە وەناو شەرعی کەرکوک وەگەرد شمارەیگ تەقەمەنیەیل جویراوجویر و نارنجە و بڕە پویلیگ.
سەرۆکایەتی ئۆپراسیۆنەگە راگەیان، فرۆکەیل F16 گورزەیل ئاسمانی وشاننە، لە دژ کۆمەڵیگ تیرۆرست لە ناوچەی دووڵ چای لەناوچەی ئۆپراسیۆنەیل کەرکوک.
