ئه‌نقه‌ره عراقييگ و سێ كه‌س له قه‌ومه‌يلێ وه‌تومه‌ت كوشتن ژنه‌گه‌ێ ده‌سگير كرد
2019-09-29T10:55:56+00:00
شه‌فه‌ق نيوز/ ده‌سڵاته‌يل توركى، چوار هاووڵاتى عراقى ده‌سگير كرد وه تومه‌ت كوشتن ژنه جايه‌ڵ جوان زه‌هرا موئه‌يه‌د عوبه‌يد وه خنكان، له‌وانه‌يش هاوسه‌ره‌گه‌ێ و داڵگى.
يه‌يش دوياى دوينستنه‌وه‌ى ته‌رم ئه‌و ژنه جايه‌ڵ جوانه هات ك ته‌مه‌نى 17 ساڵه‌و له توركيا وه‌رجه 6 مانگ هاوسه‌رگيرى كردگه‌و له‌ناو ماڵه‌گه‌ى له گه‌ڕه‌ك ياهيالار له ئه‌دابازاڕ پايته‌خت پاريزگاى ساكاريا(سه‌قاريا)وه‌رجه دو رووژ كوشياوێد.
دوياى ئاگادار كردنه‌وه‌ى پۆليسيش، ته‌رم زه‌هرا جيواز كريا ئه‌را ده‌زگاى داوه‌رى و ئه‌نجامه‌گه‌يشى ده‌ركه‌فت ك وه خنكيان كوشياگه‌و ده‌رئه‌نجام ئه‌وه‌يش وه‌ڕيه‌وبه‌رايه‌تى به‌ش تاوان له پۆليس ساكاريا هاوسه‌ره‌گه‌ى و داڵگى و دووان تر له قه‌ومه‌يلى ده‌سگير كرد.
