پولیس فەرەنسا مەکتوەیل یەهودی چووڵەوکەێد و بەسدەیان: وە وەختیگ قورس رەدبوون
2023-10-30T14:12:27+00:00
شەفەق نیوز/ دەسڵاتدارەیل فەرەنسا، ئمڕوو دووشەممە، شمارەیگ مەکتەو یەهودیەیل لە پاریسی پایتەخت و دەوروگەردی چووڵەوکردن لەدویای هەڕەشەیل هەبوین بۆمب.
رووژنامەی "ئورسەلیم پۆست" ئسرائیلی لە سەرچەوەیگ رێکخریاگ کۆمەڵەی یەهودیەیل راگەیان، و وت؛ " هەڕەشیگ هەس لە بویین بۆمب لەناو شمارەیگ مەکتەو یەهوودی و بڕیگ لەی مەکتەوەیلە چووڵەوکریانە، و لە مەکتەوەیلتر داوا داڵگ و باوگەیل کریاگە مناڵەیلیان ئەرا ماڵ گلەوبیەن".
وەپای سەرچەوەیل نەناسریاگ هەڕەشەکردنە " بۆمب تەقننەو لەناو 20 مەکتەو یەهودی جیاواز لە ناوچەی پاریس".
سەرچەوەگە دووپاتکرد پۆلیس و هێزەیل ئەمنی مینەی بۆمب کەن لەناو ئەو مەکتەوەیلە، باوجی تا ئیسە هویچ بەڵگەیگ پەیانەکردنە لە بویین بۆمب لەی مەکتەوەیلە، وتیش، " هەرچەن گشتی سەلامەتن باوجی ئی رویداوە بویەسە جی نیگەرانی لای داڵگ و باوگەیل، کە وە وەخت سەختیگ رەدبوون بارودۆخەگەی ئیسرائیل کاریگەری وەبان ئیمەیش دروسکردیە".
