کوشیان و زەخمداری شەش کەس لە ئەنجام تەقەکردن لە زانکۆیگ ئەمریکی
شەفەق نیوز/ ئاژانس ڕۆیتەرز، ئمڕوو جمعە، بڵاو کرد کە لە ئەنجام تەقەکردن لە کەمپ زانکۆی ویلایەت فلۆریدا شەش کەس کوشیان و زەخمدار بوین، وەرجە ئەوەگ پتلیس بتوانێد تەقەکەرەگە دەسگیر بکەێد.
ئاژانسەگە وت: چەکداریگ لە زانکۆی ویلایەت فلۆریدا دوو کەس کوشتگە و چوار کەسیش زەخمدار کرد، وەرجە ئەوەگ لەلایەن پولیسەو تەقە لەلی بکریەێد.
لە ماوەی ١١ ساڵ یە دویەم رویداوە لەناو کەمپەگە و FBI لێکۆڵینەوە لە رویداوەگە کەێد.
جەیسن ترۆمباوەر، وەڕیەوبەر پولیس زانکۆگە لە کۆنگرەیگ رووژنامەوانی وت: ئەو دوو قوربانییە خوەنەوار نەوین، و هاتێ تەقەکەرەگە خوەنەوار دامەزراوەگە بوود.
تەقەکردنەگە نزیکەی ساعەت ١١:٥٠ شەوەکی وە وەخت وڵاتەگە بویە، پەنج کەس زەخمدار بوینە، تەقەکەرەگە وەگەردیان، و گشتیان رەسیانە خەسەخانە.
ڕاپۆرتە سەرەتاییەیل باس ئەوە کردن کە رویداوەگە لە بینای یەکێتی خوەنەوارەیل لە کەمپ سەرەکی لە شار تالاهاسی بویە، کە هیشت ئیدارەی زانکۆگە داوای ئەوە بکەێد کە خوەنەوارەیل و ماموستایان لە یەکەیل خوەیان بمینن، تا ئەوەنە هیزە ئەمنییەیل وەڵامی دەنەو.
کەمپ سەرەکی زیاتر لە ٤٢ هەزار خوەنەوار ئەرای تیەێد، تەقەکردن لەناو دامەزراوە پەروەردەییەیل لە ساڵەیل گوزەشتە دیاردەیگ دووارەبویە لە ئەمریکا.
ئی رویداوە دویەم تەقەکردنە لە زانکۆی ویلایەت فلۆریدا لە ماوەی ١١ ساڵ، لە ساڵ ٢٠١٤ مەکتەو سەرەکی رویداویگ هاوشیوەی ەڵهەەی دیە، کە لە ئەنجام دوو خوەنەوار و ئەندامیگ ستافەگە زەخمدار بوین.
سی ئێن ئێن لە زار سەرچەوەیگ ئاگادارەو وت: دەسەڵاتدارەیل سێ چەک ئاگرین پەیا کردن، کە یەکیگیان لەدەس توومەتبار بویە، دویەمیان لەناو ماشینیگ نزیک بویە، و تفەنگیگ ڕاوکردن لەناو بینای سەندیکای خوەنەوارەیل پەیا کریاس.
تا ئیسە ڕۆیتەرز نەتوەنستیە لێدوانیگ لە لایەنە ئەمنییەیل لەبان هویردەکاریەیل ئی رویداوە وەربگرێد.
ئی رویداوە، رویداوە خویناویەیل وەرین لەناو زانکۆیل ئەمریکا تیەرێدە وەرچەو، دیارترینیان کوشتارگەی ساڵ ٢٠٠٧ لە ڤێرجینیا کە ٣٢ کەس کوشیان و ٢٣ کەسیش زەخمدار بوین، و رویداوەیل ساڵی٢٠٢٣ لە زانکۆی ویلایەت میشیگان و زانکۆی نیڤادا لە لاس ڤێگاس کە لەناویان شەش کەس کوشیان و چەن کەسیگ ترەکیش زەخمدار بوین.
