کوشیان و زەخمداری ٦ کەس وە تەقەکردن لە نیویۆرک

وەرپرسەیل پولیس لە کۆنگرەیگ  رووژنامەوانی کە لە وێستگەگە وەڕیەو چگ، وت: کوشیایەگە پیاویگ تەمەن 34 ساڵە و پەنج زەخمدارەگەیش دوو ژن و سێ پیاون کە تەمەنیان لە ناوەین 14 تا 71 ساڵە، وەگورەی ئاژانس فرانس پرێس.

تەقەکردنەگە لە وێستگەی ماونت ئیدن ئەڤینۆ لە شار برۆنکس بویە، کە قەتارەگە وەبان پیەڵیگ هەڵواسیاگ رەد بوود.

مایکل کیمبەر، کۆمیسار پولیس لە ناو کۆنگرەگە کە لە ژیر پیەڵەگە وەڕیەو چگ راگەیان؛ ئەوەگ رویداگە تەقەکردنیگ "هەڕەمەکی" نەویە، بەڵکم جەنگیگ بویە ناوەین دوو گروپ گەنج، لەو مەوقە یەکیگیان تەقە کردگە.

وتیش: دوو گروپ گەنج لەناو ڤەتارەگە بوین هەناێ جەنگەگە لە ناوەینیان دروس بویە، ئەراوە یەکیگیان دەوانچەگەی کیشاگە و لەو مەوقە کە قەتارەگە رەسیەسە وێستگەگە تەقە کرد، دەر یەکیگ لە فارغۆنەیل قەتارەگە واز کردگە، و سوار بویە سەرنشینەیل و داوەزیانە.

ئەو کۆمسیارە ناسنامەی قوربانییەیل ئاشکرا نەکرد، بەڵام ئاشکرا کرد کە کە "یەکیگیان پیاویگ تەمەن 34 ساڵە، وەداخەو لە خەسەخانە گیانی لەدەسدا".

قسەکەر وەڕێوەبەرایەتی ئاگرکپەوکردن نیویۆرک لە بان ئیمەیڵ ئەرا ئاژانسی فرانس پرێس وایە: چوار لە زەخمدارەیل "زەخمییان سەخت بویە و پەنجەمیان زەخمی سووک بویە".

بروکس کەفێدە باکوور ویلایەت نیویۆرک، لاتترین گەڕەک شارە کە ٨.٥ ملیۆن کەس هاناوی.

فۆتۆگرافەریگ ئاژانس فرانس پرێس راگەیان؛ پولیس گەمارۆییگ ئەمنی لە دەورگرد وێستگەگە داناس، کە ماشین پولیس و ئەمبولانسەیل پولیس لە دەوری جیگیر کریانە.

کەناڵە تەلەفزیۆنییە ناوخۆییەیل دیمەن ئاسمانی وێستگەی میترۆ پەخش کردن، کە لەناوی دیار بویە قەتارەگە وسیاس و ئەفسەرەیل پولیس و لێکۆڵەرەیل وە پڕتاڵ مەدەنییەو لە شوینەگە وسیانە.

 لە ئەنجای پەتای Covid ڕێژەی تاوانەیل لە نیویۆرک کەم کرد، وە تایبەت کوشتن وە چەک ئاگرین.

دەسەڵاتدارەیل نیویۆرک سنووردارکردن تونیگ ئەرا هەڵگردن چەک ئاگرین لە شوینە گشتییەیل جیوەجی کەن، بە بەراورد شار و ویلایەتەیل ترەک ئەمریکا.