کوشیان و زەخمداری 7 ئەندام پولیس پاکستان وە تەقیان مین

شەفەق نيوز/ پولیس پاکستان، ئمڕوو جمعە، خەوەردا لە کوشیان چوار سەرباز و زەخمداری سێیان ترەک، لە ئەنجام تەقیان مینیگ وەبان ماشینیگ کە ئەندامەیل ئەمنی لەناوی یوینە، لە باشوور خوەرئاوای پاکستان.

نافید ئەحمەد فەرماندەی پولیس ناوخوەیی وت: پەلامارەگە لە کویتای پایتەخت هەرێم بلوشستان بویە، و هویچ گروپیگ وەرپرسایەتی خوەی لەو تەقینەوە ئاشکرا نەکردیەڕ وەلێ گومان هەس جیاخوازەیل بلووش دەسیان لەناوی بویە، کە فرەجار هیزەیل ئەمنی لە ناوچەگە کەنە ئامانج، بیجگە ناوچەیلیگ ترەک لە وڵات.

جی باسە کە گرووپ (سوپای ئازادکردن بلوشستان) یە چەن ساڵیگە پەلامارەیلیگ لە هەرێمەگە جیوەجی کەن، و وەرپرسایەتی ئەو پەلامارە هەڵگرد لەبان قەتاریگ کە 450 کەس لەناوی بویە، لەناویان ئەندامەیب سوپا بوین لە مانگ ئازار گوزەشتە، کە بویە هوکار کوشیان 26 کەس.