کوشیان و زەخمداری 34 کەس وە رویداویگ هاتوچو سەختیگ لە وڵات میسر
شەفەق نيوز/ میدیایەیل راگەیانن میسری، ئمڕوو شەممە، خەوەردان لە کوشیان 7 کەس و زەخمداری 27 کەس ترەک لە ئەنجام رویداویگ هاتوچو ناوەین دوو ماشین لە پارێزگای منیا باشوور قاهیرە.
وەڕیەوبەرایەتی ئاسایش منیا ئاگاداری لە رویداوەگە وەرگرد، و دەرکەفت کە دوو ماشین دانەس لەیەکتری، یەکیگیان بارهەڵگر بویە و ئەوەکە نیمچە بارهەڵگر، لەبان ری بیاوانی خوەرئاوایی.
دەزگایەیل ئەمنی و ماشینەیل فریاکەفتن رەسینە شوین رویداوەگە، و تەرمەیل و زەخمداری ئەرا خەسەخانەی ملوی بردن.
سایت "المصري اليوم" وت: بانگەشەکار گشتی ئەرکدار تیمیگ پیشەیی کرد ئەرا رەسین وە بندروس رویداوەگە.
سایتەگە لە زوان پارێزگار منیا، عماد کدوانی وت: فەرمان وە پیشکەشکردن زویوەزوی پاڵپشتیکردن و چەودیاریکردن پزشکی ئەرا زەخمدارەیل داگە.
کدوانی دووپات کرد کە بایەسە دەوڵەت خەمسەردی نەکەێد لە سزادان تاوانی ئەگەر نیمچە بارهەڵگرەگە وەشیوەی گونجیاگ خوەی زیاتر بار کردیە.
