٢٤ کوشیان و دەیان بیسەروشۊن وە لافاو هیند

شەفەق نيوز/ ٢٥ کەس لەلای کەمەو لە لافاوەیل باشوور وڵات هیند کوشیان، ک وارانە رفتەیلە لافاو چەمەیلە بەرزەو کردن.    

لافاوەگە چەن ماڵیگ برد، و مەردمەگە لە ناوچەی کوتایام لە ویلایەت کیرالا گیر هاتن.        ئاژانسی بی تی ئای هیندی باس کوشیان شەش کەس لەیەک بنەماڵە کردن، ک داپیرەی ٧٥ ساڵان، و سێ مناڵ لەناویان بۊی، هەنای لافاوەگە ماڵەگەیان رفان.    

و باس بیسەروشۊنی دەیان کەس کریا، و شمارەیە وەرەو زیاتر چوود، و مەردمەگە وەگەرد سوپای هیندی و تیمەیل فریاکەفتن و هەلیکۆپتەر هانە تەقەلای رزگارکردن.