کوشیان کەسیگ وە گورز ئیسرائیل لە باشوور لوبنان
شەفەق نيوز/ وەزارەت تەندروسی لوبنان، ئمڕوو جمعه، کوشیان کەسیگ وە گورز ئیسرائیل وەبان ماشینەگەی لە باشوور وڵاتەگە راگەیان.
وەزارەتەگە وتیش: فڕۆکەوانی ئیسرائیل ماشینیگ لە ناوچەی غازیە لە دەورگرد شار سەیدا لە باشوور لوبنان کردە ئامانج، و ژوورەیلیگ ئامادەکریای لە شار محێبیب باشوور کردە ئامانج.
یە چوارەم رووژە لەبانیەک کە گورزەیل بکوش ئیسرائیل لە باشوور لوبنان توومار کریەن.
وەرجەیە، ئاژانس خەوەری لوبنان راگەیان کە فڕۆکەوانی ئیسرائیل ماشینیگ لەبان ئۆتوستراد ناوچەی غازیە لە باشوور لوبنان کردە ئامانج، و فڕۆکەیگ بێفڕۆکەوان دووارە ژوورەیلیگ ئامادەکریای لە ناوچەی محێبیب باشوور جویر دویەشەو کردە ئامانج.
جی باسە کە ئیسرائیل وەو رێکەفتن ئاگربەسیە پابەند نەوی کە لە 27 تشرين دویەم 2024 دەسوەپی کریا، و ماوەگەی تا 18ی شوبات گوزەشتە درویژەو کریا.
هیمان چەن ناوچەیگ لە باشوور لوبنان و خوەرهەڵاتی کەفنە وەر پەلامارەیل ئیسرائیل وەشیوەیگ نیمچە رووژانە، و هیمان هیزەیل ئیسرائیل هانە چەن خاڵیگ لە باشوور لوبنان و تەقە لە مەردم کەن.
