کوشیان ١٧ کەس وە پلیان پاس گەورەیگ لە مەغریب
2022-08-17T15:05:45+00:00
شەفەق نیوز/ نزیکەی ١٧ کەس گیانیان لەدەسدان، ودەیان کەسیش زەخمدار بوین، وە رویداو پلیان پاسیگ گەورە، ئمڕوو چوارشەممە، لە باکوور مەغریب.
ئەو رویداو مەرگبارە لەبان ری ناوبەین شارەیل خریبکە و فەقیە بن ساڵح، لە ناوڕاس و باکوور مەغریب بوی، هەنای پاسیگ گشتی وەئاست خوەڵ ئاوای بولنوار پلیا.
سەرچەوەیلیگ لە شوینەگە دیاری کردن ک ئامار سەرەتایی رویداوەگە رەسیە مردن ١٧ کەس لەناو پاسەگە، و هالە بەرزەوبوین، و دەیان کەسیش زەخمدار بوین، ک شمارەیان لە ٣٠ کەس زیاترە.
سەرچەوەیل وتنیش: رویداوەگە ئەندامەیل دەرەک شاهی و وەرگری شارستانی ناوخوەیی وهەرێمی خستە ئامادەباشی، ک زەخمدارەیل ئەرا خەسخانەیگ لە ناوچەی خریبکە بریان.
