کوشیان ٤٦ کەس لە ئەنجام گورزیگ ئاسمانی پاکستان وەبان ئەفغانستان
شەفەق نیوز/ قسەکەر بزووتنەوەی تاڵیبان لە ئەفغانستان، ئمڕوو چوارشەممە، کوشیان ٤٦ کەس راگەیان لە ئەنجام گورز ئاسمانی پاکستان لە خوەرهەڵات وڵاتەگە.
زەبیحولڵا موجاهید قسەکەر تاڵیبان وت: دویەشەو پاکستان پەلامار چوار خاڵ لە ناوچەی بارماڵ لە ویلایەت بەکتیتا داگە، و دیاری کرد کە ٤٦ کەس کوشیانە فرەیان مناڵ و ژنە.
وەزارەت وەرگری ئەفغانستان لە بەیاننامەیگ شەرمەزار ئی گورزەیل ئاسمانیە کرد، و وە وەحشیانە و دوژمنایەتیی ئاشکرا ناویان برد.
لە بەیاننامەگە وت: ئیمارەت ئیسلامی ئی کار خویڕیانە وەیی وەڵام نیەیلێد، بەڵکم وەرگریکردن لە زەویەیل و سەروەریی وە مافیگ زانێد کە واز لەلی نیارێد.
جەنگ لەبان سنوور لە دویای گورزەیل مەرگبار سوپای پاکستان لە ئادار هات وەبان ناوچەیل سنووری وەرد ئەفغانستان، کە دەسەڵات تاڵیبان وت؛ هەشت کەس کوشتیە.
ئی گورزەیلە نووترینە لە کارەیل دوژمنایەتی لەبان سنوور ناوەین ئەفغانستان و پاکستان، کە لە وەختیگ لە ساڵ ٢٠٢١ حکومەت تاڵیبان دەسنادە بان دەسەڵات ئی ژاوەژاوە دروس بوی.
