گورز مووشەکی شوینەیل حزبولڵای لوبنان و باڵەیل سەروە ئیران کەێدە ئامانج
ڕوانگەکە لە بەیاننامەیگ لە ماڵپەڕ خوەی، کە ئاژانس هەواڵی شەفەق نیوز نووڕیەی وت: “تەقینەوەیگ تونیگ لە دیمەشق پایتەخت و دەورگردی ژنەفیا، لە ئەنجام وەئامانجگرتن نوویگ لە سوریا، کە ناوچەی فڕۆکەخانەی سەربازیی مزە لە خوەراوای دیمەشق پایتەخت کریا ئامانج و شوینەیل حزبوڵڵا و میلیشیایل لوبنان و ئیران هانە ئەورا”.
وتیش: "وەرگرییە ئاسمانییەیل ڕژیم تەقەلای نواگیری ئەو مووشەکەیلە دان، و جیماگەی یەکیگ لە مووشەکەیل وەرگری ئاسمانی کەفتە بان ماڵیگ لە دەورگرد سەیدە زەینەب لە باشوور دیمەشق پایتەخت، لە وەختیگ تا ئیسە هویچ زانیارییگ لەلیەو وەدەس نەڕەسیە."
ڕوانگەگە لە زوان سەرچەوەیل وتیش فڕۆکەیگ بارهەڵگر چەن ساعەتیگ وەرجە پەلامارەگە رەسیەسە فڕۆکەخانەی سەربازی مزە و سەرچەوە ئیسرائیلییەیل وەرپرسیارێتی ئیسرائیل لەی وەئامانجکردنە رەتەو کردنە.
پرسە لە هەردوگ ئاوای دیمەشق و دێرەزۆر وەڕیەو چگ، ئەرا سەرۆک لیوایل حزبوڵای عراق، ئەبو باقر ساعدی، کە لەوەر پەلامار فڕۆکەیگ بێفڕۆکەوان ئەمریکی کوشیا کە وەرجە دوو رووژ ماشینەگەی لە خوەرهەڵات بەغداد پایتەخت کردە ئامانج.
