پورتوگال بەرنامەی چوار رووژ کارکردن لە هەفتەیگ جیویوەجی کەێد
2023-06-05T16:15:19+00:00
شەفەق نیوز/حوکومەت پورتوگال، ئمڕوو دووشەممە راگەیان، لە ئمڕوو 100 کۆمپانیای کەرتە جیاوازەیل دەسکەنە کەمەوکردن رووژەیل کارکردنیان ئەرا چوار رووژ لە هەفتەیگ.
وەزیر کار و کاروبار کۆمەڵایەتیی پورتوگال، ئانا مەندەس گۆدینهۆ رایگەیاندییە؛ وەپای بڕیارنامەی کارلەبانی کریاگە لە 5 حوزەیران وە دویاوە 100 کۆمپانیا لە کەرتە جیاوازەیل وەیجویرە کارکەن وەبی ئەوەی کاریگەری بکەێدە بان موچەی کارمەن و کراکارەیل.
وەپای داتایەیل وەزارەت کار و کۆمەڵایەتی پورتوگال 100 کۆمپانیا بەشداری کەن تا ساعەتەیل کارکردن لە 40 ساعەت کەمەو بکەن ئەرا 32 ساعەت لە هەفتەیگ و بەرنامەگە وە تێکڕایی ٣٥٠ هەزار یۆرۆ تواد ک وەلایەن ئەنیستیتوی پەروەردەی پیشەیی و دابینکردن دەرفەت کارەو دابین کریەێد.
