پوتین دویای یاخیبوین "ڤاگنەر": ئەوەگ رویدەێد خیانەتیگ ناوخوەییە و چەقوویگە لە پشت
لەو وتارە کە ئاژانس شەفەق نیوز چەودیاریی کرد، پوتین یاخیبوین ڤاگنەر وە "خیانەتیگ ناوخوەیی و چەقوویگ لە پشت" زانست، لە خود وەختەگە پەیمان وەڵامدان تون و سەخت وەرانوەر گشت هەڕەشەیل دا و هاوکارەیل ڤاگنەریش وە وەرپرسیار لەبان گشت ئەوانەگ روی دەن بزانێد.
وتیش: کەسەیلیگ هەن خوازن رووسیا بکیشنە ناو جەنگ ناوخوەیی، ئەراوە بایەتە گشتی عەقڵانی بوون و ئەرا وڵات خوەیان گلەو بخوەن، و واز لەی ڕەفتارەیلە بارن، و نەکیشیەنە ناو تاوانیگ وەو جویرە.
سەرۆک رووسیا داوای نەفرەتکردن لە هەر ناکۆکییگ کرد مەوقەی جیوەجیکردن ئۆپەراسیۆن سەربازی لە ئۆکرانیا، وتیش: جویر سەرۆک رووسیا و جویر هاووڵاتییگ روووسی، گشت تەقەلایگ دەم ئەرا وەرگریکردن لە رووسیا و وسانن ئی یاخیبوین چەکدارە.
پوتین وتیش: ریکارەیل تونیگ جیوەجی کەیمن ئەرا گلەوداین ڕێکوپێکی لە ڕۆستۆڤ، ئیمە فەرمان دایمنە ئەرا راگەیانن ئامادەباشی دژە تیرۆر لە وڵاتەگە، هیزە چەکدارەیلیش فەرمان لەناوبردن ئەو کەسەیلە وەپیان رەسیە کە یاخیبوین چەکداری کەن.
هەمیش وت: ئەو جەنگە کە رووسیا ئەنجامی دەێد یەکێتی گشتی خوازێد، ئەرا نواگردن پلانە دەرەکییەیل، وە لەوەرچەوگردن تەقەلای پارچەکردن کۆمەڵگا وە "چەقوویگ لە پشت".
