وەردەوەردەی رخداریگ ناوەین هندستان و پاکستان.. جاریگ ترەک بویە تەقەکردن
شەفەق نيوز/ سوپای هندستان، شەوەکی ئمڕوو شەممە، راگەیان کە دووارە دەسکریا وە تەقەکردن وەرد پاکستان، لە نووترین پەرەی ئەو ژاوەژاوە ناوەین دوو وڵات، لە وەخت ئەو پەلامار خویناویە لە کشمیر تا ئیسە.
ئی وەردەوەردە دویای کوشیان 26 کەس تیەێد، کە رووژ سێشەممەی گوزەشتە لە ناوچەیلیگ گەشتوگوزار لە هەرێم کشمیر کوشیان.
هندستان توومەتبار کەسەیلیگ پاکستانی کرد کە دەسیان لەناو ئەو پەلامارە بویە، لە وەختیگ ئیسلام ئاباد ئەوە رەتەو کرد، و گرووپیگ چەکدار نەناسیای ناو خوەی نادە وە (وەرخودان کشمیر) وەرپرسایەتی خوەی لەو پەلامارە ئاشکرا کرد، ئەوەیش وەڕی پەیامیگ لەبان سۆشیال میدیا.
دەزگایەیل ئەمنی هتدی وتن ئی گرووپە کە هەمیشە وەناو بەرەی وەرخودان ناسیاس، جویر روییگە ئەرا ریخریاگەیلیگ تونەڕەوی کە پاکستان کردنەسە بارەگای خوەیان جویر "عەسکەر تيبە" و"حزب موجاهدەیل".
لە وەختیگ ئەو پەلامارە رویدا، هندستان و پاکستان دەسکردنە ریکارەیل بەرزەوکردن وەردەوەردە لەناوەیان وسانن پەیمانگەی ئاو سند گرنگ، و پاکستان ئاسمانی لەبان کاروانەیل ئاسمانی هندستان بەساد.
هەرلە هندستان و پاکستان داوای هەرێم کشمیر کەن، و هەریەکیان تەنیا بەشیگی کۆنتڕوڵ کەێد.
