وەرخودان عراقی پەلامار ئیسرائیل دەێد
2024-04-01T07:38:11+00:00
شەفەق نیوز/ سوپای ئیسرائیل، ئمڕوو دووشەممە، راگەیان کە شار ئیلات کەفنە وەر پەلامار درۆن، لە وەختیگ باڵەیایگ چەکدار عراق وەئامانجگردن شوینیگ گرنگ لە شارەگە راگەیان.
سوپای ئیسرائیل لە بەیاننامەیگ وت: دویای وەکارکەفتن فیکەی هووشداری لە شار ئیلام وە دزەکردن فڕۆکەیگ دوژمن، سەربازەیل سوپای ئیسرائیل ئامانجیگ ئاسمانی گومانی لە لای خوەرهەڵات دیاری کردن کە وەرەو خاک ئیسرائیل تیەێد.
بەیاننامەگە وتیش: درۆنەگە کەفتە ناوچەی خەلیج ئیلات و زەخمداری توومار نەکریا، و زەرەد کەمبگ رەسیە بیناگە.
لەلاییگ ترەک، وەرخودان ئیسلامی لە عراق لە بەیاننامەیگ وت: موجاهدەیل وەرخودان لە عراق، شەوەکی ئمڕوو دووشەممە، شوینیگ گرنگ لە ئیسرائیل کردە ئامانج وە چەک گونجیاگ.
