وڵات میسر.. نقومبوین کەشتییگ گەشتیاری ٤٥ کەس لەناوی بوینە و پەیاکردن ١٦ لەلیان

شەفەق نیوز/ سەرچەوەیلیگ ئەمنی ئەرا رۆیتەرز وتن: ئمڕوو دووشەممە، ١٦ کەس تا ئیسە لەو ٤٥ کەسە پەیا کریاس کە لەناو کەشتییگ گەشتیاری بوینە لە ناوچەی مەرسا عەلەم لە پارێزگای دەریای سوور لە وڵات میسر نقوم بویە.

وەرجەیە پارێزگاگە نقومبوین کەشتی "سی ستوری" راگەیان کە ٤٥ کەس لەناوی بوینە کە ٣١ گەشتیار لە ڕەگەزنامەیل جیاجیا و ١٤ کەسیش لە تیمەگە لەناوی بویە، لە وەختیگ لە گەشت ژیرئاوی تا چەن رووژیگ بوینە لە ناوچەی غەدیر.

بەیاننامەگە لە زوان عەمرو حەنەفی پارێزگار وت: بەشیگ لەلییان وە هیلیکۆپتەر پەیا کریان و ئەرا خەسەخانە بریان، و هیمان کارەیل مینەکردن بیسەروشوینەیل وەردەوامە.

دیاری کرد کە فرۆکەی مینەکردن و رزگارکردن توەنست بەشیگ لە رزگاربویەیل بڕەسێدە خەسەخانە، و بەشیگیان کەفتنەسە ژیر چەودیاریکردن پزشکی تا کەشتی فاتح رەسێدە ئەو شوینە.