هوشداری لە زەویلەرزەی توتیگ بەێد لە ژاپۆن
2024-08-09T06:26:04+00:00
شەفەق نیوز/ پسپۆڕەیل ژاپۆن هوشداری دان لە ئەگەر رویدان زەویلرەزەیگ تون، دویای ئەو زەویلەرزە کە دویەکە پەنجشەممە داد لە کەناراوەیل باشوور ژاپۆن، و هاز یەکیگیان رەسیە 7.1 پلە، و 8 کەس زەخمدار کرد.
ئاژانس زەویلەرزەناسی ژاپۆن وت: ئەگەر رویدان زەویلرەزەیگ ترەک بەرزتر هەس، وەلێ ئەوە نییە کە بایەسە بوود، وەگورەی فرانس پرێس.
یە یەکەمین جارە هوشدارییگ وەیجویرە دەرچوود، لە وەختیگەو سیستەم هوشداری نوویگ دروس کریاس، لەدویای زەویلەرزە ویرانکەرەگەی ساڵ 2011.
دویەکە پەنجشەممە، زەویلەرزەیگ وەتونی 7.1 پلە داد لە وەرانوەر دوورگەی کیوشو لە باشوور ژاپۆن، و گرتەیلیگ بڵاو کریان نشان دەن چوین گشت باڵەخانە و ماشینەیل لە میزاکی لەرزن، لە وەختیگ دەسەڵاتەیل زەخمداری 8 کەس راگەیانن.
