هشکەساڵی دەێد لە نیمەی زەویەیل وڵات چین لەوەر گەرمی

شەفەق نیوز/ بەیاننامەیلیگ فەرمی، خەوەردان ک هشکی دەێدە نیمەی زەویەیل فراوان وڵات چین، وە پلەیلیگ جیاجیا، لەوەر ئەو گەرمیە ک ئاوەگە لە وەرز تاوسان کەمەو کەێد.

لە وەختیگ ک بەیاننامەیل رەوانگەی کەشوهەوا لە ساڵ ١٩٦١ توومار کریا، وڵات چین ئیجویر تاوسان گەرمیگ وەخوەی نەیە، ک ماوە وئاست گەرمیەگە  وەیجویرە نەڕەسیە.

چەن گەورە شاریگ بەرزترین پلەی گەرمی لە میژوویان توومار کردن، ک رەسیە ٤٥ پلەی سیلیزی لە باشوور خوەرئاوای وڵاتەگە، و هەکاتی چەم یانگتسی گەورەترین چەمە لە وڵاتەگە،  شمارەی گەورەیگ لە جووەیل وە شیوەی رخبەریگ هشکەو بوین.

وە گشتی،  هشکەساڵی نیمەی وڵاتەگە گردیەسە وەر، وەگورەی بەیاننامەی وەڕیەوبەرردن رەوانگەی کەشوهەوای نیشتمانی.

ناوچەیلیگ وە تەواوی لەناو ئەو وڵاتە کەفتنە وەر کاریگەری گەرمی، تا رەسێدە بەش باشوور تیبت، ک دڵ ئابووری وڵات چینە.