هەسەدە هووشداری دەێد کە داعش ١٠ هەزار چەکدار گردەو کەێد
هووشدارییەگەی هەسەدە دویای ماوەی کەمیگ لە ڕاگەیانن ریخریاگ تیرۆریستی داعش لە سەرەتای ئەمساڵەو لە ٥٠ ئۆپەراسیۆن لەبان خاک سوریا زیاتر لە ١٠٠ کەس مەدەنی و سەربازی کوشتگە، وەگەرد ئەوە کە شکست ڕاستەقینەی ساڵانیگ گوزەشتە ڕاگەیەندریا .
سیامەند عەلی، قسەکەر میدیای هیزەیل هەسەدە دەستگیرکردن ئەندامەیل داعش لە شار حەسەکە لە خوەرهەڵات سوریا پشتڕاسکرد و وتیش: بەڵگە و دروشمەیل ئەوە دەرخەن کە ریخریایەگە دەسکردیە وە ئۆپەراسیۆن تاکەکەسی و دەسەگەلی ئەرا وەئامانجگرتن هیزە سەربازییەیل و کەسایەتییە ناودارەیل و تەنانەت کارمەندەیل ئیدارەی خوەیسەری .
باش ئەوەیش کرد کە یە نشانەس ئەرا ئەوە کە ئەو ریخریاگە هیمان توانای ئەنجامدان تاوان تیرۆریستی دیرێد، ئۆپەراسیۆنەیل هیزەیل نشانەس کە داعش دەس وە گردەوکردن رزەیلی کردگە.
لە وەڵام پرسیاریگ لەبان شمارەی ئەندامەیل ئەو ریخریاگە، سیامەند وت: هویچ شمارەیگ ئاشکرا نییە، بەڵام مەزەنە هەس لەناو خاک سوریا وە گشتی، زیاتر لە 10 هەزار چەکدار داعش هەن کە وە ژیروەژیرەو کارکەن.
لە لاییگ ترەک ئۆپەراسیۆن شانەیی کە لەلایەن هیزەیل سوپای سوریا و دڵسووزەیلیان ئەنجام دریەن زەردەوامن، لە وەختیگ هیز ئاسمانی ڕووسیا لەی دویاییە وە ئامانجگرتن ئەو شوینەیلە کە ئەندامەیل داعش لەناو بیاوانەیل سوریا خوەیان شارنەو زیای بوی.
وەگورەی ئامار ڕوانگەی سووری ئەرا ماف مرۆڤ، لە سەرەتای ئەمساڵەو شانەیل داعش 50 ئۆپەراسیۆن جیاجیا لە بیاوانەو ئەنجامدامە، کە لە ری کوڵە و پەلامار چەکداری لە خوەرئاوای فورات و بیاوان دێرەزۆر و ڕەقە و حومس جیوەجی کردنە.
