کەندا.. کابرایگ 20 کەس لە ئامادەبویەیل ڤیستیوال لاپۆ لاپۆ تلنێد
2025-04-27T07:32:31+00:00
شەفەق نیوز/ لە شار ڤانکۆڤەر کەنەدا لە وەخت سازکردن ڤیستیوال لاپۆ لاپۆ تایوەت وە فلیپینیەیل کەسیگ وە ماشین خوەی کەێد وەناو ئامادەبوییەیل و وەلای کەم 20 کەس تلنێد
وەپای بڵاوکریایگ پۆلیس ڤانکۆڤەر، ساعەت 8:00 شەو (وەپای وەخت کەنەدا)، هەنای مەردم سەرقاڵ سازکردن ڤیستیوال لاپۆ لاپۆ تایوەت وە فلیپینیەیلن، کەسیگ خوەی کردیە وەناویان و شمارەیگ مەردم کردیەسە ژیر چەرخ ماشینەگەی.
دیاریکرد، لەدویای رویداوەگە رانندەی ماشینەگە تەقەلای وایین دایە باوجی وەلایەن چەن کەسیگ لە شوینەگە ئاخڵە دریاس و ریگە وەپی نەدریاس دەربچێد ئەو ئەو مەوقەی پۆلیس رەسییە.
دیاریکرد، لە رویداوەگە وە لای کەم 20 کەس بوینەسە قوربانی تا مەوقەی تەوبوین لێکۆڵینەوەیل هووکار رویداوەگە دیارنییە چەیگە.
