ئەندەنووسیا.. لافاوەیل ماڵەیلیگ ماڵێد و ١٣ کەس کوشێد

ئاژانس ئەسۆشیتد پرس لە زوان وەرپرسەیلیگ وت: ئەو لافاوەیلە لە دوورگەی ترناتی خوەرهەڵات ئەندەنووسیا، بوینە هەکار بڕیان رییگ سەرەکی، کە رەسین وەرەو ئاوای روا لە کەرت مالوکۆی باکوور بڕیە، کە زەرەدمەنترین ناوچەس، و دەیان لە ماڵ و بینایل لەژیر خەڕگ تمانیە.

تیمەیل مینەکردن و ڕزگارکردن وەرد خەڵکەکە کار ئەرا دراوردن تەرمەیل و مینەکردن بیسەروشوینەیل کردن.

ئاژانس کەشناسی و جیوفیزیای وڵاتەگە وت: هاتێ واران رفتیگ لە شار تیرنیت لە کەرت مالوکۆ و ناوچەیل نزیکی لەی رووژەیلە بوارێد.

دەسەڵاتەیل تەمەی خەڵکەگە کردن لە ئامادەباشی بمینن، و بکەفنە شوین رینمایەیل ئەگەر لافاوەیلیگ زیاتر هاتن.

وارانە رفتەیل رمیان لە زەوی دروس کردن، و لافاوەیل ناکاوی لە ئەندەنووسیا، کە مەلیۆنا لەناوی لە ناوچەیلیگ کویە و نزیک شوینەیل لافاوی ژیان کەن.