گەنترین لە ماوەی ١٠٠ ساڵ... لافاو ناوچەیل ئیتاڵیا نقوم کەێد
ئەو واران رەفتە لە سەرەتای ئی هەفتە 14 کەس کوشت و جادە و شارەیل ناوچەی ئیمیلیا-رۆماگنای کردە چەم تافیگ، و وەگەرد وارانیگ زیاتر، دەسەڵاتدارەیل ناوچەگە کەفتنە ئامادەباشی بەرزیگ.
جۆرجیا مێلۆنی، خانمە سەرۆک وەزیرەیل ئیتالیا دویەکە شەممە، راگەیان ئەوەسا وە زوی لویتکەی گروپ هەفت لە ژاپون وەجی هیلێد، تا سەرپەرشتی رەفتارکردن وەرد رەوش نائاسایی بکەێد.
مێلۆنی وتیش: وە ئاشکرا بویشم لە ئیجویر رەوشیگ ئاڵووز نیەتوەنم لە ئیتاڵیا دویر بکەفم، سوپاس ئەو پەنج هەزار فریاگوزار و خوەیوەخشە کرد ک دەسمیەتی ئەو کەسەیلە کردنە کە لەوەر لافاوەگە کەفتنە زیان.
تەنیا وە ماوەی ٣٦ سەعەت، بڕ ئەو وارانە چەنە واران ئاسایی لە ماوەی ٦ مانگ لە ناوچەی ئیمیلیا-رۆماگنا واریە.
لافاوەگە وە گەنترین لافاو لە ماوەی سەدەیگ لە وڵاتەگە دریا قەڵەم.
لەوەر لافاوەگە زیاتر لە 305 زەوی چگە خوارەو، هەرلیوا زیان وە زیاتر لە 500 ری ناوچەگە رەسانیە یا وە تەواوی بڕیە.
ماتیۆ لیپۆرێ، سەرۆک شارەوانی بۆلۆنیا راگەیان: خاسەوکردن ریوبان و ژیرخانەیل چەن مانگیگ خوازێد، لە بڕیگ شوینیش هاتێ ساڵانیگ وەپی بچوود.
