ناونووسی ئەڕا ئتخابات سەرۆک‌کوماری دە ئێران
شەفەق‌نیوز- بەرپرس ستاد ئنتخابات ئێران وانگ دا: ناونووسی ئەڕا ئنتخابات سەروک‌کوماری ئێران، لە 21 تا 25م ئی مانگ هەتاوییه دنرێ.
ئەوی وتگە: ئمساڵ، وە خاتر نواگیری لە کورونا، تەبلیغات وە شێوە مەجازی دگیردرێ ئوو وە سنگەێ کورونا ناتوانیمن جەواز ئەڕا ناین میتینگەێل ئنتخاباتی بدەیمن و همیرداریمن ک کاندیداێلەگە دە پەت و دەرفەتەێلێ ک ئەڕایان ئەڵکەفێ بتوانن؛ وڵاتوەندەێلە لە بەرنامەێلەێ خوەیان ئەوبڕەسنن.
بەرپرس ئنتخابات سەروک‌کوماری ئێران وتگە: ئمساڵ ئەڕا رای و دەنگ‌گیری لە وڵاتوەندەێلە، هەفت هەشت هزار سەندووق دیاری دکەیمن تا هیچ حەوزەێ رای‌ودەنگ‌گیری دەیەکابڕشەو نەبێ تا پوروتوکوڵەێلە، فرەتر و وەتەمام رعایەت بکرێ.
خووە بزانن؛ دە ئی دەورە، ئەڵبژاردنەوەێ شەوراێل شار، دە بان سی شار و ناوەند ئوستان وە شێوەێ ئلکترونیکی دنرێ ئوو فەرمانداری؛ جوور بەرپرس ستاد ئجرائی ئنتخابات تێهران وتگە: "ها دە تەوانێ تا ئەڕا تێهرانیش ئنتخاباتەگە وە شێوەێ ئلکترونیکیێ بگرێ ئوو چەمەڕێیە تا هەیئەت نزارەت ک دیرێ چاوەخڕی دکەێ تا بزانێ دتوانرێ ئیجوورە کارێ بکرێ یا نە؟، قسەێ خوەیان دە ئی بارە بکەنەو."
خاسە بزانن؛ ئەڵبژاردنەوەێ سەروک‌کوماری دە ئێران وەرد ئەڵبژاردنەوەێل شار و دێ، وەیەکا دنرێ.
