ناڕەزایەتیەیل فەرەنسا لە چوارەم رووژی.. هەزاران کەس دەسگیر کریانە و دەیان زەخمدار
دەسەڵاتدارەیل فەرەنسا ٤٥ هەزار پولیس و کارمەن ئەمنی و بڕیگ ماشین لە گشت شارەیل بڵاو کردنە کە ناڕەزایەتییە بەرزەیل وەخوەیان دین، تا تونوتیژییەیل کۆنتڕۆڵ بکەن.
چەن شاریگ فەرەنسا تویش ئاژاوەکاری بوین، ئەرا چوارەم رووژ لەبانیەک، کە لەو مەوقەو دەسوەپی کرد کە نایل لە تەمەن (١٧ ساڵ) کە لە بنچینەی جەزائیری-مەغریبییە، لەلایەن پولیسیگ مەوقەی وەشکین هاتوچو کوشیا.
ئەو تونوتیژییە کە لەی ماوە بەشیگ لە باڵەخانە و ماشینەیل ئاگر دریان، بیجگە لە تاڵانکردن بڕیگ لە دوکانەیل، ئیمانوێل ماکرۆن سەرۆک فەرەنسا خستە ناو گەورەترین قەیران لە ماوەی سەرۆکایەتییەگەی لە دویای خوەینشاندان کوترە زەردەیل کە لە ساڵ ٢٠١٨ هەڵسیا.
نائارامی لە سەرانسەر وڵات لە شارەیلیگ جویر مارسیلیا، لیۆن، تۆلۆز، ستراسبۆرگ و لیل دەسوەپی کرد، و هەرلیوا پاریس ک گەنجەگە لەناوی کوشیا.
لەی چوارچیوە چێشتخانەیل ماکدۆناڵدز و کتاوخانەی مێتز-بێرنیش لە ئەنجام سزیان ویران بوین.
بیجگە لەوەیش، سەرۆک شارەوانی مێتز دووپات کرد کە " کەمییگ فرە" لە هیزەیل ئەمنی و پولیس هەس وەرانوەر سەدان کەفتگ، وتیش؛ پیاوەیل ئاگرکپەوکردن بوینە قوربانی نەیزەک ئاگر.
