نێچیروان بارزانی پەیامیگ لە سەرۆک فەڕەنسا وەرگرێد
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، پەیامیگ دەسنۊس لە ئیمانوێل ماكڕۆن سەرۆک فەڕەنسا وەرگرد.
ئۆلیفی دیکۆتینی قونسڵ گشتی فەڕەنسا لە هەرێم کوردستان، لە چەوپیکەفتنیگ لە ناوبەینیان پەیامیگ دەسنۊسی دادە دەس سەرۆک هەرێم کوردستان، ک یە لەناوی نۊێسیاۊد:
بەڕێز سەرۆک نێچیروان بارزانی: شەرفمەنم و خوەشهاڵم ک وەناو فەڕەنسا و وەناو خوەم سوپاس لەو پێشوازیکردن گەرمە بکەم ک لەلایەن جەنابدان لە سەردانەگەم ئەرا هەولێر کردین، و وەوجۊرە ک لە کۆبونەوەیل وەرین لە بەغداد و پاریس پەیمان وە سەردان هەولێر دام.
لە بەشیگ تر لە پەیامەگە وت: فەڕەنسا و هەرێم کوردستان پەیوەندی کۆن و جیوازیگ دیرن، بایەتە وە ئاست بەرزیگ بگرێمنەی، و هەس برادەری و وەفایی و خوشەویستی لە کۆبونەوەیلمان نشان دا، و دەوڵەمەنی و ئاشتی ئەل رایەیلمان، و خوازیم لە چەوپێکەفتنم وەرد سەرۆک مەسعود بارزانی خ و خیزان شەهید هوجام سورچی لە هەولێر ئی وەفا و خوشەویستی وە بەرز ئەرزشدار بکەم.
لە کۆتایی پەیامەگەی، ماكڕۆن نۊسان: ئیمە دڵنیایمن ک هەرێم کوردستان ئەوەسا سوودمەن بوود لە لو پێشکەفتنە لە کۆنگرەی بەغداد ئەرا هاوکاری و هاوبەشی خ و دڵنیام ک فەڕەنسا ئەوەسا وەردەوام بوود لە جەنگ دژوە تیرۆر، و هەمیش گەشەکردن پەیوەندیەیل ئابووری و کۆمەڵایەتی وەرد ئیوە.
