نەتەوە یەکگرتگەیل: وەفر زەرەرد فرەیگ وە کەمپ ئاوارەیل رەسانیە

شەفەق نیوز/ نەتەوە یەکگرتگەیل راگەیانن لەوەر  وەفر وارین فرە لەی  هەفتە، کەمپەیل باکور خوەرئاوای سوریا وەسەختی زەرەرد رەسیە وەپیان و چەن چادریگ وەبان سەر دانیشتگەیل رمیا.

وەگورەی راپۆرتەیل سەرەتایی ک لە نوسینگەی وڵاتە یەکگرتگەیل ئەرا هەماهەنگی کاروبار مرۆیی (ئۆتشا) دەرچگە ، 22 شۊن لە پارێزگای حەلەب زەرەردمەن بۊینە (وە دیارکریاگی لە عەفرین و عەزاز)و 9 شۊن لە پارێزگای ئدلب. و وەفر وارین لە باکور خوەرئەڵات سووریا لە 18 ینایر زەرەرد وە ناوچەیل ئاوارەیل و کەمپەیل و چادرەیل مەردم رەسانیە. 

لە 19ی کانوون دۊیەم، ئاگادارداری دریا لە زەرەردمەنبۊین362 چادر، و 2124 کەس (429 خێزان).  کەمپەیل عەفرین وەتایبەت کەمپ ئبراز وەسەختی زەرەردمەن بۊین  خێزانەیلە چووڵی کردن و کلکریان ئەرا شۊن پارێزریایگ، جۊر  بینای وەڕێەوەبەرایەتی کەمپەگە و مەکتەویل نزیک و ئەرا ئاوای ئبراز. 

وەگورەی راپۆرتەگە، مناڵیگ کوشیایە لە ئاوای قستل موقداد سەر وە حەلەب لەوەر ڕمیان چادرەگە لەوەر گردەوبۊین وەفر قورسیگ لەبان چادرەگە، ودالگەگە هالە ژیر چەودێری هۊرد.  کەشوهەوای سەرد  بۊیە مدووی  داوەزین پلەی گەرمی  لەش دو مناڵ لە ناحیەی بلبل، دو مناڵەگە لە خەسخانەیگ عەفرین چاسەر کریەن.