ژەنەڕاڵیگ ئیسرائیلی هەڕەشەی حزبولڵا دەێد: سەنگ لەبان سەنگ نیەیلیمن
شەفەق نیوز/ فەرماندەی ناوچەی باکوور ئیسرائیل ئەمیر برعام وت: ئەگەر وەگەرد حزبولڵای لوبنان جەنگ بوود، سوپای ئیسرائیل سەنگ لەبان سونگ نیەیلێد.
ئیزگەی سوپای ئیسرائیل لە زوان ژەنەڕال ئەمیر برعام وت: وە بوونەی رەدبوین ١٦ ساڵ لەبان دویەم جەنگ ئیسرائیل لەبان لوبنان، ک لە مانگ تەمووز ٢٠٠٦ بوی، حزبولڵا تەقەلای چەسپیان سەختیەیل لە نوای ئیسرائیل دەێد، باوجی ئەو سەختیەیلە هیمان فڕە لەناوبریاگە.
ژەنیڕاڵ برعام وت: ئەو ئارامی ئاسایشە لە بەرەی باکوور ک لەی جەنگە هاتە ئەنجام خاسترین چەسپیانە لەبان ئەو لەناوبردنە ک ئەنجامی دا، وتیش: سوپای ئیسرائیل رەوانگەی جویلەی حزبولڵا کەێد لە ناوچەی سنووری، هوشداری دا ک دویایی باجی دەن.
وتیش: سوپای وڵاتەگە ئەوەسا وەردەوام بوود لە کار لە سوریا ولوبنان، چ لەڕی ئارامکردن رووژانە یا وە جەنگ ژیروەژی ئەرا پویچەڵکردن هەر تەقەلایگ ئەرا تیرۆر.
ژەنەڕاڵ برعام وتیش: لە جەنگ هاتگ سوپای ئیسرائیل گشت بینایل ژیرینە لە کڕ سەربازی وەرد لوبنان خاپوور کەێد، وسەنگ لەبان سەنگ نیەیلێد.
