مردن سەرۆک وڵاتیگ ئەفریقی لەدویای گلەوخواردنی لە گەشتیگ دەرمانی لە ئەمریکا
2024-02-04T09:08:07+00:00
شەفەق نیوز/ سەرۆک نامیبیا "حای جینجۆب"، ئمڕوو یەکشەممە کووچ دویایی کرد لە دویای چەن رووژیگ لە گلەوخواردنی لە گەشتیگ دەرمانی لە وڵاتەیەکگرتگەیل.
سەرۆک نامیبیا حاجی جینجوب لە 31 کانوون دویەم لە ئەمریکا گلەوخوارد لەدویای ئەوەگ ئەرا خولیگ نوو لە دەرمان بیماری شێرپەنجە چیبوی، راستەوخۆ ئەرا خەسخانە لە ویندهۆک کلکریایە.
لە بەیاننامەیگ کە چەن رووژیگ سەرۆکایەتی نامیبیا بڵاویکردیە دووپاتکەێد لەوەگ سەرۆک دەورەی دەرمانیەگەی تەواوکەێد لە وڵاتەگە، وە مەرجیگ دەسڵات و ئەرکەیل سەرۆکایەتیەگە بدەێدە دەس جیگیر سەرۆک و سەرۆک وەزیرەل و جیگیر سەرۆک وەزیرەیل.
باوی چەن رویژیگ لەدویای ئەو ئەرکە سەرۆکایەیتی نامیبیا، ئمڕوو یەکشەممە، مردن حاجی جینجۆب لە تەمەن 85 ساڵی راگەیان.
