مردن پاپای ڤاتیکان
شەفەق نيوز/ ڤاتیکان، ئمڕوو دووشەممە، راگەیان کە پاپا فرانسیس لە تەمەن 88 ساڵە، گیانی لەدەسدا.
ئەو پاپا کە بویە قەشەی رۆما و سەرۆک کلیسای کاتولیک، لە ساڵ 2013 بویە پاپا، دویای دەسلەکارکیشان بندیکت شانزەهەم.
لەی ساڵەیل دویاییە، پاپایی وە بڕیگ سەردان ئەرا خەسەخانەیل جیاواز بوی، و رخدارییگ لەبان تەندروسیی، و لە 14ی شوبات، پاپا لە خەسەخانە خەفت، ئەرا چارەسەرکردن هەو لویلەیل هەناسە.
لە دویای ئەوە، ڤاتیکان وت: تویش هەوکردن سویەی دووانەکەی هاتیە، و خوین وەپی دریاس.
لە شوبات، ڤاتیکان وت: پاپا کەفتیەسە قەیران هەناسەدان درویژیگ، تەکان بەرزیگ ئەرا ئۆکسجین خوازێد، و لەی رووژەگە ڤاتیکان وت: پەککەفتن سووکیگ لە گورچگ پاپا هەس.
لە رووژەیل دویای ئەوە، هەزاران لە باوەڕدارەیل لە مەیدان بوتڕوس پیرووز گردەوبوین تا نماز ئەرا خاسەوبوینی بخوەنن، و بڕیگیش سەردان خەسەخانەی ڕۆما کردن، تا گوڵ و کارتەیل ئەرای بیلنەجی.
لە ئادار، ئەرا یەکەمین جار لەوەختیگ چجە خەسەخانە دەنگی ژنەفیا وە پەیامیگ دەنگی، مە سوپاس لەو کەسەیلە کرد ئومید خاسەوبوین ئەرای خوازن، و وت (م لەیرەو هامە گەردد).
دویەکە یەکشەممە، پاپا پیشوازی لە مەردم کرد وەبوونەی جەژن ئیستەر.
