ئەمریکا بڵاوبوین ئاوڵەی مەیمون لە گشت ویلایەتەیلی راگەینێد
2022-08-24T08:09:24+00:00
شەفەق نیوز/ نویسینگەی راگەیانن وەزارەت تەندروسی لە ویلایەت وایومینگ ئەمریکا راگەیان ک ئاوڵەی مەیمون لەی ویلایەتە هەمیش پەیا بوی، وەیەوە بیماریەگە لە گشت پەنجا ویلایەت ئەمریکا بڵاو بویە.
نویسینگەگە لە بەیاننامیگ وت: لە ویلایەت وايومینگ یەکەمین تویشهاتن وە ئاوڵەی مەیمون لەلای کەسیگ لە ناوچەی لارامی ئاشکرا بوی.
وەگورەی نووترین بەیاننامەیل ئاماری لەلایەن ناوەندەیل فیدراڵی ئەمریکا ئەرا نواگردن بماریەیل ، وە فەرمی ١٥٤٣٣ تویشهاتن وە بیماری ئاوڵەی مەیمون لە ئەمریکا توومار کریایە، فرەیان لە ویلایەت نیویۆرک ٢٩١٠، کالیفۆرنیا ٢٦٦٣، و هەمیش ١٠ ویلایەت شمارەی تۊشهاتنەیل ناویان لە ١٠ بیمار رەد نەکردیە.
