ئەمریکا بڕیار دەێد هیزەیلی لە سوریا ئەرا زیاتر لە نیمە کەمەو بکەێد
2025-04-20 05:53
شەفەق نيوز/ لە ماوەی مانگەیل ئایندە، ئەوەسا ئەمریکا هیزەیل سەربازیی لە سوریا ئەرا زیاتر لە 50% کەمەو کەێد، وەگورەی بڵاوکردن تووڕ "CNN" ئەمریکی.
تووڕەگە وت: وەزارەت وەرگری ئەمریکا (بینتاگۆن)، دووپات لە راپۆرتیگ وەرین وەلایەن CNN کرد، کە وتوێد ئەوەسا دویای ئی گامە کەمتر لە 1000 سەرباز ئەمریکی لەورا مینێدەو.
وەرپرسەیل ئویشن؛ هیزەیل ئەمریکا وەشیوەی گەورەیگ داعش لە سوریا لاوازەو کرد، وەلێ هەر وەردەوامە لە دەسمیەتیدان هاوپەیمانەیلی لە جنگ گرووپە چەکدارەیل.
دۆناڵد ترەمپ سەرۆک ئەمریکا لە پۆست وەرینی بڕیار کیشانن گشت هیزەیل ئەمریکا لە سوریا دا، و دویای وەرخودانیگ لە بینتاگۆن دووارە بڵاو کریا.
