مالیزیا ملیاردێریگ کەێدە پاتشا

سوڵتان ئیبراهیم ئیسکندەر 65 ساڵە، کە لە کانوون دویەم گوزەشتە قەسەم دەستووری خوارد کە و یەکسانی حکومڕانی بکەێد، و گاڵ حکومەت سەرۆک وەزیرەیل ئەنوەر ئیبراهیم دا تەقەلای خاسەوکردن ژیانوگوزەرانی گەل خاسترەو بکەێد و ئەوزەڵکردن نەتەوە قایمەو بکەێد.

لە رسوومەیل داناین شاهی کە کەلتوور مەلایوی لەناوی زاڵ بوی، پاتشا و شاژن راجا زرایت سۆفیا، پڕتاڵ کەلتووری سیا و تەبایی و کڵاو کردنە وەر.

سوڵتان ئەسکەندەرلە ویلایەت جوهور باشوور لەشان سەنگافورە هەفدەهەم پاتشاس ئەرا وڵاتەگە لە پشت سوڵتان عەبدولڵا سوڵتان ئەحمەد شاه لە ویلایەت باهانج.

پاتشای نوو مالیزیا سامان گەپیگ لە پەیوەندییەیل و عەقار دیرێد، و یەکیکە لە دەوڵەمەندترین کەسەیل وڵاتەگە.

سیستەم دەسەڵات مالیزیا پشت وە نۆرەی پاتشایی وەڕیەو چوود، کە 9 حاکم لەبان تەخت رکابەری کەن، لە بنچینەی 13 ویلایەت، کە لە وەختیگ وڵاتەگە لە بەریتانیا جیاوە بویە وەی سیستەمە کار کەێد.