میسڕ وە خورما ناوی چیە ناو کتاو گینس
2023-05-17T08:17:27+00:00
شەفەق نیوز/ وڵات میسڕ لەوەر داشتن گەپترین باخەیل بەرهەمهاوردن خورما توەنست ریکۆرد جەهانی تووماربکەێد و ناو خوەی بخەێدە ناو کتاو گینس.
کنزی دفراوی، بڕیاردەر فەرمی لە توومارکردن ریکۆردەیل گینس راگەیان، وە رووبەر ١٣٢ هەزار کیلۆمەتر چوارگووشە گەپترین کێڵگەی بەرهەمهاوردن خورما لە میسر ناسریا و توەنست ریکۆرد جەهانی بشکنێد.
باخەگە لە ٢.٣ ملیۆن دار خورما پێکهاتیە و ٥٠ جویر جیاواز خورما هاناوی.
لە ساڵ ٢٠١٨ـەو چین خورما لە کێڵگەگە دەسوەپیکردیە و وە ئامانج خاسترکردن ئابوری وڵات ئەو کارە کریاس.
لەهەمان مەوقە، میسڕ خاوەن گەپتری گوڵەم گلەوداین ئاوە لە جەهان ک توەنێد ٢٤٥ هەزار مەتر چوارگووشە ئاو گلبیەێد.
