لێدوانه‌يل ترامپ دۆلار داوه‌زان و نرخ نه‌فت به‌رزه‌و كرد

شه‌فه‌ق نيوز/ نرخ نه‌فت فيشتر له‌ 2.5 له‌سه‌د به‌رزه‌و بوى له‌چه‌و مانگيگ وه‌رجه‌ ئيسه‌، ئه‌ويش له‌شوون كۆنگره‌يگ رووژنامه‌گه‌رى ك له‌لايه‌ن دۆناڵد ترامپ سه‌رۆك هه‌ڵوژرياگ ئه‌مريكى.

له‌ ئاكام ئه‌و لێدوانه‌يل دۆناڵد ترامپه‌ نخ دۆلاريش داوه‌زى، ك يه‌يش بويه‌ له‌يوا كرد جاريگتر نرخ نه‌فت به‌رزه‌و بدێ خه‌زنكرياگ خام و سوزه‌مه‌نى ئه‌مريكى زيايه‌ى فريه‌يگ ئاشكرا بكا.

جى باسه‌، نه‌فت خام پێوه‌ر جه‌هانى تيكه‌ڵ له‌ سه‌ندن دريژماوه‌ 1.46دۆلار يا 2.7 له‌سه‌د به‌رزه‌و بوى و هه‌ر به‌رميليگگ نه‌فت له‌لى ره‌سه‌ 55.10 دۆلار و نه‌فت خام خوه‌رئاواى تكساسيش 1.43 دۆلار يا 2.8 له‌سه‌د زياى بوى و به‌رميليگى ره‌سيه‌52.25 دۆلار.