له ماوه‌ى يه‌ك رووژ.. هه‌ر سه‌عاتيگ نزيكه‌ى 50 حاڵه‌ت تويشهاتن وه كۆرۆنا له مۆسكۆ
2020-04-10T11:37:17+00:00
شه‌فه‌ق نيوز/ ده‌سڵاته‌يل رووسى، باس له‌وه كردن شماره‌ى تويشهاتگه‌يل وه ڤايرۆس كۆرۆناى تازه له مۆسكۆى پايته‌خت ئه‌را يه‌كه‌مجار ره‌سيه زيار له هه‌زار حاڵه‌ت له ماوه‌ى 24 سه‌عات گوزه‌يشت.
له‌ى باوه‌ته‌و، ليژنه‌ى تايبه‌ت وه له‌ناوبردن ڤايرۆسه‌گه له روسيا له راپۆرت رووژانه‌ى خوه‌ى وت: 1124 حاڵه‌ت تازه‌ى تويشهاتن له مۆسكۆ له ماوه‌ى 24 سه‌عات تۆمار كرياگه، بيگه 182 حاڵه‌ت تر له ناوچه‌يلى.
جى باسه، مۆسكۆ وه‌يه‌يش كه‌فته ليست گه‌وراترين سه‌رچه‌وه‌يل ڤايرۆس كۆرۆنا له وڵاته‌گه و نزيكه‌ى 7822 حاڵه‌ت له جه‌م 11917 حاڵه‌ت له‌تى تۆمار كرياگه.
